126. De beata Maria V.

1 a. Ave, vitae reparatrix,
Reginarum imperatos,
Sanctitatem sanctitas,

1 b. Dominarum dominatrix,
Peccatorum mediatrix,
Sanitatum sanitas.

2 a. Patrem paris,

parens et filia,
Tibi soli

constat haec gloria,
Gemma tu mortalium.

2b. Ave, mundi

rosa mundissima,
Rosa fragrans,
rosa purissima,
Reis da remedium.

3 a. Evae culpam delevisti,
Solem stella genuisti,
Genitorem filia,

3 b. Mortem morte qui domando,
Lacum faecis emundando
Secum traxit omnia.

4 a. Moriendo mortem stravit,
Ad inferna pervolavit,
Vectes fregit ferreos,

4 b. Suis ibi se ostendens,

Ad se traxit manus tendens,
Derelinquens miseros.

5 a. Ave, per quam salus datur,
Ave, per quam solidatur
Nostra insoliditas,

5 b. Ave, per quam relaxatur.
Ave, per quam deleatur
Reatus enormitas.

6 a. Ave, mater

regis iustitiae,
Fons salutis,
origo veniae.

6 b. Caeli porta,

domus laetitiae,
Deviantes

reformans gratiae.

7 a. Te precamur, nos absolve
Absolutosque refove
Nos in caeli curia,

7 b. Ubi Christum collaudemus
Incessanter et cantemus
In excelsis Gloria.