127. De beata Maria V.

1 a. Benedicta

es, insignis puella,
Quae iubar

immensum dans stella
Appellaris Maria.

1 b. Per te, mater

salvatoris serena,
Caelestis

gratiae perplena,
Destruuntur vitia.

2 a. Tu nati nata
Cunctis praelata,
Regina caelorum beata
Diceris per omnia.

2 b. Supremum solem,
Per tuam prolem
Prementis culpae delensmolem
Conferas solacia.

3 a. O virga producens nucem,
Praetende, quam paris, lucem
Illis, quos redemit per crucem
Donans vitae praemia,

3 b. Post carnis nostrae ruinam
Ut per te caeli reginam
Et gratiam datam divinam
Ducat nos ad gaudia.