Thomas Aquinas, In IV Sententiarum – In Libros Sententiarum

Ulterius. Videtur quod nulli alii hoc baptismo debuerunt baptizari. Hoc enim est solius christi ut a sacramentis non accipiat, sed magis eis conferat.

Sed baptismus joannis erat tale sacramentum a quo non poterat aliquid accipi. Ergo soli christo competebat.

Argumentum 2

Praeterea, sacramenta eadem ratione omnibus competunt. Sed non erat necessarium quod omnes baptismo joannis baptizarentur. Ergo nulli praeter christum ipso baptizari debuerunt.

Sed Contra 1

Sed contra est quod dicitur Matth. 3, 5: egrediebantur ad illum hierosolymitae universi, et baptizabantur ab eo.