138. De beata Maria V.

1 a. Exaltemus et laudemus
Corde devotissimo

1b. Matremillam, quaemamillam
Praebuit altissimo.

2 a. Venter cuius mundi huius
Salvatorem genuit,

2 b. Regit polum, mare, solum,
Quem in ulnis tenuit.

3 a. Sacra parens, labe carens,
Salutis puerpera.

3 b. Stella maris, ab amaris
Casibus nos libera.

4 a. Mater Dei, per quam rei
Redeunt ad veniam,

4 b. Seda diram clemens iram
Ac refunde gratiam.

5 a. Hostes arce, servis parce,
Tibi famulantibus
Et felicem genetricem
Dei te sperantibus.

5 b. Sis adiutrix, Dei nutrix,
Christiani populi,
Cuius votis ad te totis
Diriguntur oculi.

6 a. Spes lapsorum, contritorum
Sola consolatio,

6 b. Quem adorat et honorat
Angelorum contio,

7 a. Natum ora et implora,
Ne plebs eius pereat,

7 b. Sed ductrice genetrice
Te ad vitam redeat.