139. De Beata Maria V.

1a. Gaude, sponsa speciosa,
Arca Iesu generosa,
Candens plus quam recens rosa,
Rutilans prae omnibus.

1b. Manna caeli digne dicta,
Hostis victrix tu invicta,
Cedrus es et benedicta,
Redolens prae floribus.

2 a. Palma, tus, gemma probata,
Vitis, vinea vocata,
Terra caelitus rorata,
Supernorum domina.

2 b. Porta caeli atque scala,
Removens a nobis mala,
Tua loca nos sub ala
Penes poli agmina.

3 a. O caelestis margarita,
In sublimi throno sita,
Nostris fulge cordibus,

3 a. Ut fulgore tuo tracti
Iuncti simus et compacti
Paradisi civibus.