141. De beata Maria V.

1 a. Gaudete et

plaudite manibus,
Deus enim

datur hominibus ;
Natum, matrem

pulsate precibus,
Ut nos solvat

a mundi nexibus.

1b. Per hanc matrem

venit laetitia,
Qua deletur

Evae tristitia,
Osculatur

pacem iustitia,
Terra dedit

promissa gaudia.

2 a. Nutu patris vis amoris

Hortum matrisinflammavit;

2 b. Vellus rorem, luna solem,
Virga florem germinavit.

3 a. Fons signatus, porta clausa
Patent sine viri causa,
Haud miratur hoc natura.

3 b. Talis namque genitura
Decet Deum, paritura
Creatorem creatura.

4 a. Hic in sole collocavit
Suum tabernaculum,
Ambulantem visitavit
Lux in nocte populum.

4 b. Consolati visa luce

Cognoverunt Dominum,

Quem venturum exspectabant

Redemptorem hominum.

5 a. Virgo munda, virgo pia,
Templum Dei, caeli via,
Dona nobis caritatem
Et cum sanctis unitatem.

5 b. Deme nisum, praesta visum,
Redde nobis paradisum,
Ubi finis est laborum,
Plenitudo gaudiorum.