145. De beata Maria V.

1 a. Mater sancta sanctae spei.
Sedes regis, templum Dei.
Sabaoth palatium.

1 b. Tibi virtus obumbratur.
In te verbum humanatur.
Gratiae principium.

2 a. Deus dixit, et illusit.
Fiat lumen, quod indulsit
Miseris in tenebris;

2 b. Inde dies es diei,
Dispar noctis speciei.
Splendor mundo celebris

3 a. Tuus flore, germine
trinitati gratus,

Paradisi quattuor
rivis irrigatus,

Est de sancto spiritu
venter impraegnatus.

3 b. Paradiso insitum

tu es lignum vitae,

Tu mortem praecipitas
mortis pulsa lite,

Generosum generas
palmitem de vite.

4 a. Rubus flammis illibatus,
Virga, serpens, vir turbatus,
Calcei corrigia,

4 b. Ignis ardens nec consumens,
Tuus venter verbo tumens,
Tua sunt mysteria.

5 a. Virga, cuius de radice
Flos ascendit, plena nuce,
Oleo laetitiae,

5 b. Nardus, stacten, murra, mirtus
Est pudoris tui virtus,
Tuae sinus gratiae.

6 a. Manna verme non mutatur,
Sicca vellus irroratur
Gedeonis area,

6 b. Flore partum comitante
Florem narrat post et ante
Castitas virginea.

7 a. Tu triumphus in Elon,
ubi sol moratur,

Tu es, quo Leviathan
hamus inescatur,

Asini mandibula,
qua fons irrogatur.

7 b. Tu fons aquae vividus,
ubi lex rixatur,

Quo credens et sitiens
dulce recreatur,

A promissis perfidus
procul elongatur.

8 a. Urna Aaron, Iacob stella,
Penus panis, vini cella,
Domus pigmentaria,

8 b. Sanctum claudis, lumen fundis,
Iustos cibas, nectar mundis
Mira das fragrantia.

9 a. O quam simplex absque nota,
Quam fidelis et devota,
O quam plena gratia !

9 b. Salutatur, expavescit,
Fecundatur, acquiescit,
Fit mater de filia.

10 a. Peccatorum spes beata,
O vas balsamiticum,

Turris David clippeata,
Sceptrum Salomonicum,

Mensa regis adornata
Cibum ferens mysticum.

10b. Arca Noe metuenti
Procellas diluvii,

Canopea fugienti
Lutumque servitii,

Esto de te praesumenti
Asylum refugii.

11a. Alma parens, virgo pia,
Esto nobis vitae via,
Porta, portus, o Maria,

11b. Ut cantemus ante thronum
Agni dantis omne bonum
Sempiternum Alleluia.