148. De beata Maria V.

1 a. O, caelestis hierarchia
Quam suavi melodia
Veneratur virginem!

1 b. Digne dignam te Mariam,
Vere dulcem, vere piam,
Nullam scimus similem.

2 a. In Aegypto quondam sita,
Miro flore redimita,
Nardus tua flagravit;

2 b. Rex e caeli palatio
Te sciens sine vitio
Laete te adoptavit.

3 a. Mens devota paruit,
Gabriel dum claruit
Arce de regali,

3 b. Sol sub nube latuit,
Iesus quando iacuit
Ventre virginali.

4 a. Parit mater virgo prolem,
Nova stella novum solem,
Lac propinans filio;

4 b. Auri decor, amethystus

Ens in sinu matris Christus,
Rosa iuncta lilio.

5 a. Canit coetus angelorum,
Vadit stella dux magorum
Ad domus notitiam;

5 b. Templo seni prosternatur,
In Iordane baptizatur
Dans maestis laetitiam.

6 a. Aqua vini dat saporem,
Sputa, clavi, fel dolorem
Flenti flente filio;

6 b. Flos reflorens astra scandit.
Rex reginae castra pandit,
Caeli iuncta solio.

7 a. Personemus nunc Mariae
Laudes omnes eximiae
Voce laeta,

7 b. Ut abstergat convicia
Et aspergat nos gratia
Rore plena.

8 a. Parce reis, mater regis,
Habe curam huius gregis,
Angelorum domina;

8 b. Nos emenda et commenda
Tuo nato ex te nato
Supernorum gloria.

3 a. Spessanctorum,duxcaecorum,
Claudorum vehiculus,

3 b. Odor floris, flos pudoris,
Sitientem rivulus.

4 a. Vas virtutum, cor imbutum,
Nobis laudem tribuas,

4 b. Vox raucorum, tu nostrorum
Raucitatem deleas,

5 a. Ut clangore et amore
Oris et mentaliter
Te laudare et amare
Possimus perenniter.

5 b. Noster chorus te sonorus
Spes collaudat unica,
Nam te pia laus, Maria,
Voce decet publica.

6 a. Virgo Iesse, nostram esse
Te fautricem petimus,

6 b. Ora patrem, nam te matrem
Nobis addit optimus.

7 a. Hora mortis da, ut fortis
Sit cordis contritio,

7 b. Ne damnemur, sed laetemur
In caeli palatio.