162. De beata Maria V.

1. Tibi dicant omnes Ave,
Quia mundum tollis a vae,
Mutasti vocem flentium.

2 a. Sonet vox iucunditatis,
Quia tempus est aestatis,
Iam enim hiems transiit;

2 b. Nam vineae floruerunt,
Flores odorem dederunt,
Iam enim imber abiit.

3 a. Novitate partus casti,
Virgo, cuncta renovasti,
Dum paris clauso cardine.

3 b. Stupet usus et natura,
Quod tu paris, virgo pura,
Sine viri semine.

4 a. Partus tuus singularis,
Purum pura pure paris,
Genitorem filia,

4 b. Ave, virga gignens florem
Cuius mirantur odorem
Caelum, tellus, maria.

5 a. Aadi, mater pietatis,

Nos gementes pro peccatis
Et a malis nos tuere,

5 b. Ne damnemur cum impiis
In aeternis suppliciis,
Peccatorum miserere.