168. De beata Maria V.

1a. Vale, virgo virginum,
Salve, lumen luminum,
Ave, plena gratia.

2 a. Vale, salus hominum,

Portans, regem, Dominum,
Ave, stella praevia.

2 b. Vale, nostrum gaudium,
Gaude, spes credentium,
Peccatorum venia.

3 a. Vale, vena veniae,
Ave, mater gratiae,
Hostium victoria.

3 b. Vale, porta gloriae,
Ros misericordiae,
Ave, fraudis nescia.

4 a. Vale, mundi gloria,
Sanctorum laetitia,

Ave, per quam gaudium
Speramus caelestium.

4 b. Vale, virgo celebris,
Lux lucens in tenebris,
Ave, lumen cordium,
Salve, candens lilium.

5 a. Vale, pia,
Gaude, via.

5 b. Salve, vitis,
Ave, mitis.

6 a. Vale, parens
Labe carens,
Ave, suavissima,

6 b. Vale, rosa
Speciosa,

Ave, splendidissima.

7 a. Salve, virgo singularis,
Gaude, stella clara maris,
Vale, carens simili.

7 b. Vale, mater, lux solaris,

Ave, quae tantos solaris

Hoc in mundo flebili.

8 a. Vale, decus angelorum,
Vale, salus miserorum.

8 b. Vale, nostrum refugium,
Plena honorum omnium

9 a. Vale, decus castitatis,
Salve, mater pietatis,
Gaude, munda
Et fecunda,

Vale, lux caelestium.

9 b. Vale, templum puritatis,
Ave, scala claritatis,
Ora natum,
Ut optatum

Nobis donet praemium.