169. De beata Maria V.

1a. Virga Iesse generosa,
Dulcis fractus onerosa,
Salve, mater inclita.

1b. Christum Deum, gloriosa,
Genuisti gaudiosa,
Super omnes edita.

2 a. Solem sidus es prolata,
Tamen incontaminata
In aeternum permanes,

2 b. Per te terra illustrata,
Per te cuncta restaurata,
Et omnia contines.

3 a. Salve, mater regum regis,
Conditoris nostrae legis,
Carentis initio,

3 b. Cuncta bona quippe regis
Criminum et mala tegis,
Es nobis ablutio.

4 a. Pulchra rosa sine spina,
Quam non urit sol, pruina,
Nil habens miseriae,

4 b. Mitis simplexque regina
Velut more columbina,
Fons misericordiae.

5 a. Tu es porta circumdata
Margaritis et ornata,
Quam propheta asserit

5 b. Te vidisse, radiata,
In domo Dei fundata,
Qua nullus transierit.

6 a. Pura luna, soli aequa,
Purior aurea theca,
Qua Christus emittitur,

6 b. In te non sunt vota maecha,
Tabes nec libido caeca,
Cor tuum nec vertitur.

7 a. Cuncta autem haec mundana

Mala sunt et nimis vana

Et plena illecebris ;

7 b. Unde te precamur, sana
Plagas nostras et insana,
Dei duc cum angelis,

8. Ut ibi semper laudemus
Hymnis te angelicis.