Thomas Aquinas, In IV Sententiarum – In Libros Sententiarum

Ulterius. Videtur quod fuerit ante passionem institutus: quia dominus tactu carnis suae, vim regenerativam contulit aquis. Sed hoc fuit ante passionem in baptismo suo. Ergo ante passionem fuit institutus.

Argumentum 2

Praeterea, joan. 3, 5, dixit: nisi quis renatus fuerit ex aqua et spiritu sancto, non potest introire in regnum dei. Sed hoc fuit ante passionem.

Ergo baptismus ante passionem fuit institutus.

Sed Contra 1

Sed contra, causam non praecedit effectus. Sed baptismus habet efficaciam a passione christi. Ergo non debuit ante passionem institui.

Sed Contra 2

Praeterea, baptismus non fuit sine forma sua.

Sed forma fuit instituta post passionem, Matth. Ult..

Ergo et baptismus.