185. De sancto Aegidio.

1 a. Cesset ira, cesset fletus ;
Cantus dulcis, cantus laetus
Frequentetur ;

1b. Sanctum festum Aegidii,
Nostri patris egregii,
Celebretur.

2 a. Hic Athenis,

urbe clarissima,
Natus stirpe
de nobilissima
Duxit originem ;

2 b. Iste quidem

suam prosapiam
Propter sibi

datam industriam
Fecit plus nobilem.

3 a. Literarum

statim ad studia
Fuit missus
in puerita

Corde pollens docili,

3 b. Scripturarum

ut per scientiam
Elongaret

omnem inertiam
A se mente vigili.

4 a. Sub aetate iam tenera
Praeclara patrat opera
Miserans pauperibus:

4b. Vestem praestat mendicanti
Et salutem aegrotanti
Fusis Deo precibus.

5 a. Sancti fama excitatus
Suos mittit magistratus
Ad eum rex Franciae,

5 b. Ut se velit visitare,
Mentem eius emundare
A peccati scabie.

6 a. Orat sanctus, et testatur
Angelus, quod condonatur
Iam peccatum regium.

6 b. Sic pro nobis semper oret
Trinitatem et imploret
Pro peccatis omnium.