186. De sancto Aegidio.

1 a. Salve, pater coronate,
Caeli regnis adunate,
Sitisti nam martyrium.

1b. Auge tuis supplicibus
Tuarum precum fructibus
Praemia post exsilium.

2 a. Normis vernas electorum,
Fac adesse angelorum
In thronis contemplantes.

2 b. Conquire nobis lucida
Hinc per tua suffragia
Gaudia consequentes.

3 a. Tu vicisti lubrica
Despexistique lucrida
Post obitum parentum;

3 b. Uirtus haec deifica
Explevit in te nimia
Lucraturus talentum.

4 a. Solve reatus vincula
Averteque pericula

Post vitae exterminium.

4 b. Sancte pater, funde preces
Fugaturus nostrae faeces
Squaliditatis criminum.

5 a. Euge, patrone extollende,
Viribus totis recolende,
Eremi tu subditus,

5 b. Gyrans mundi per vagabunda
Spernens et saecli laetabunda,
Tractus sic divinitus.

6 a. Ima intrasti tu rubeta,
Antra quaesisti plus secreta
Habitatione sedula;

6 b. Dira rupe tunc fons scaturit,

Cervaque nutrix lac protulit

In petrae angustae cellula.

7 a. Inter feras habitasti,

Throni fulvum tu lustrasti,
Per meritorum exitus.

7 b. Ueta planctus tu inferi
A nobis sic, ut cernui
Con......

. . . . . . .

.........