193. De sancta Anna.

1. Ad matris Annae annua
Extollenda praeconia

2 a. Confluat mente devota
Redemptorum ecclesia.

2 b. Haec regis et patriarchae
David proles et Abrahae,

3 a. Haec aurora

Stellam mundo protulit,

3 b. In area

Tellus haec exposuit.

4 a. Haec est radix stirpis Iesse,
Ex qua virgo sumpsit esse,
Quae divinum profert florem
Et fert fructum contra morem.

Virga florem,

Vellus rorem

Suscipit.

4 b. Stella solem,
Virgo prolem

• Edidit.
• Fabricatur in hac Anna,
  * Quae supremum clausit m anna,
  *Arca novi testamenti
  Et res magni sacramenti.

5 a. Manna verum,

quo mundus pascitur,

5 b. Est hic puer,
qui nobis nascitur.

6 a. Haec est terra,

de qua veritas ascendit,

6 b. Est hic panis,

qui de supernis descendit.

7 a. Vere felices dominae,
Per quas Deus in homine
Salutem operatus est.

7 b. Felix mater cum filia,
Quibus sanctorum milia
Canunt epithalamia.

8 a. Ergo, tanta

ditatae gloria,
Vos reorum
tangat memoria,

8 b. Dum pro servis
rogatis filium,
Non negabit
pius auxilium.

9 a. Praestate,

Quod debetis reis;

9 b. Astate

Unico pro eis,

10 a. Ut in cena generali
Et in veste nuptiali

10 b. Sponso psallamus pariter
Precantes illum iugiter,

11. Ut nos in gloria sua
Secum faciat gaudere;
Ubi pax et lux festiva,
Decantemus Hosanna.