195. De sancta Anna.

1 a. Omnis mundus

Decantet et sit iucundus,
Alleluia.

1b. Nova festa

Nunc assunt sed diu gesta
Res miranda.

2 a. Virga Iesse produxit,
De qua Christus illuxit,
Sol de stella.

2 b. En, dilecti pariter
Vixerunt feliciter
Fide clara.

3 a. Tandem illis visio
Monstratur ab angelo
Pari forma.

3 b. Crediderunt nuntio,
Nec horum devotio
Fit corrupta.

4 a. Post haec Anna credidit
Et Mariam peperit
Valle nostra,

4 b. De qua Christus nascitur,
Eius lacte pascitur
Carne sumpta.

5 a. Iste Dei filius

Missus erat caelitus,
Sed hunc plebs Iudaica
Damnat caeca.

5 b. Inde crucifigitur,
Lancea perfoditur ;
Fecit haec per delicta
Plebs praedieta.

6 a. Iesu, nos adiuva
Cum matre Maria,
Educ de valle
hac misera

6 b. Ad caeli gaudia,
Ubi tu cum Anna
Regnas et matre
puerpera.