197. In Inventione s. Annae.

1a. Ad honorem Dei patris
Celebretur Annae matris
Votiva memoria,

1b. Eius quoque filiarum
Recolantur beatarum
Festiva sollemnia.

2 a. Materteras [tres] luminis
Regis veneretur nostri
Devota celebritas,

2 b. O quam felix, quam serena,
Triplicata luce plena
Coruscat festivitas.

3 a. Castitatis casta cella,
De qua maris orta stella
Lucet mundo celebris,

3 b. Per quam viditmagnam lucem

Et adesse Christum ducem

Plebs sedens in tenebris.

4 a. Felix fuit mater Anna,
Nobis pluens dulce manna,
Dum Mariam genuit,

4 b. In qua puer nobis natus,
Est filius Dei datus,
Nobis salus adfuit.

5 a. Anna mater tres maritos
Virtutibus insignitos
Habuisse creditur.

5 b. Et de tribus tres Marias,

Sanctitate plenissimas,

Peperisse legitur.

6 a. Haec Ioachim, sponso primo,
Post Cleophae datur bino
Salomaeque tertio ;

6 b. Istos trinos genitorcs
Habuerunt tres sorores
Divino iudicio.

7 a. Prima soror Ioseph nupta
Virgo manens incorrupta
Per aeterna saecula;

7 b. Desponsatur et Alphaeo
Bina, trina Zebedaeo
Coniugali copula.

8 a. Naturali suo more
De Iacobo fit minore
Praegnans soror altera,

8 b. Sed maiorem trina fudit
Et Iohannem non excludit
Felix haec puerpera.

9 a. Hae sunt, quae ad monu-
mentum
Unctionis complementum
Ferunt aromaticae.

9 b. Magdalena cum matronis
Istis resurrectionis
Praeco fit dominicae.

10 a. Quae dum volunt introire
Et sepultum invenire,
Quem credebantmortuum,

10 b. Has angelus sic dixerit,
Dicens: Christus iam surrexit,
Ecce locum vacuum.

11a. Ergo matrem atque Datas
In hoc festo tam beatas
Colamus assidue,

11b. Ut caelorum super sedes
Claritatis nos heredes
Faciant perpetuae.

12 a. Anna, mater gloriosa,
Puritatis fragrans rosa,
Parens tantae subolis,

12 b. O sacrarum par sororum,
Nos in regno beatorum
Iungite caelicolis

13. Per aeterna saecula.