199. De sancta Apollonia.

1 a. O felix Apollonia,
Quanta te suspiria
Pulsant, quae innumera
Sustulisti verbera.

1 b. Tu caeli freta iubilo,
Prona sis auxilio
Tuis, virgo, famulis,
Qui te colunt precibus.

2 a. Gratiarum stipendia
Porrige certantibus
In valle lacrimosa,
Ut luce beatitudinis
Fruamur copiosa.

2 b. Superorum stipendia
Adhibe gementibus
Tua per suffragia,
Quos carnis aestuat stimulus,
Colona olymporum.

3 a. A dolore dentium,
A languore mentium
Tu serva vernantes,
Ne laudum vota
Irrita fiant per
contraria.

3 b. Ut calore spiritus
Inflammatus promptior
Sit noster conatus
Neumarum novas
Ad pangendas odas
in patria.

4 a. Ad amoena paradisi
Nos transferre satage,
Quo Seraphim et Cherubim
Sanctus clamant iugiter.

4 b. Quo iubilo melliflua
Modularis carmina,
O felix Apollonia,
Nobis assis in hora

5. Ultima.