202. De sancto Augustino.
Infra Pascha et Pentecosten.

1. Incliti doctoris laudes
intonent christiani

2 a. Augustini, qui oves
lapsas reduxit patri,
vita, verbo docens
peccatores.

2 b. Mors et vita duello,
conflixere mirando,
errore mortuus
dum fit vivus.

3 a. Dic nobis, quo pia
Tanta tibi sophia?
Sub ficu iacens dum flebam,
"Tolle, lege" intus
audiebam.

3 b. Ad caelicam vocem
Aperui codicem ;
Mox luxit Christus, spes mea,
Infusa veri luce
serena.

4 a. Credendum est magis tuae
doctrinae veraci,
Quam perfidorum
sectae fallaci.

4 b. Scimus Christum te sumpsisse
ad superos vere;
Tu nobis, pater,
dux, miserere.