212. De sancto Benedicto.

1 a. Reveretur hodie
Canticis laetitiae
Fructus ventris Mariae
Benedictus,

1b. Cuius lotus sanguine
Mundus est a sanguine,
Natus claro sanguine
Benedictus.

2 a. Vas solidans precibus
Fugit spretis opibus,
Ne pereat laudibus,
Benedictus.

2 b. Hinc in specu latitat,
Quo servire mactitat
Deo, cui militat
Benedictus.

3 a. Sic iustorum omnium
Ob virtutum meritum
Promeruit spiritum
Benedictus.

3 b. Monachorum legifer,
Pastor fit et signifer,
Fulgens vita lucifer,
Benedictus.

4 a. Quis stilus quaeve lingua
Referre quit omnia,
Quae fecit insignia
Benedictus ?

4 b. Mortuos resuscitat

Multisque signis micat
In vita et post vitam
Benedictus.

5 a. Nunc regnat sine fine
Cum sanctorum agmine ,
Vita, morte, nomine
Benedictus.

5 b. Cuius prece sedula
Mundat omni macula
Nos, qui est in saecula
Benedictus.