220. De sancta Dorothea.

1. Ave praeclara Dorothea,
A labis scoria nos bea
Puram mentem crea.

2 a. Euge, desponsata
Christo, beata
Senatorum nata,
Stirpe clara propagata,
Dorotheo patre,
Theodora matre.

2b. Virgo Nazarea,
Urbs Caesarea
Te gignit, fetaris
Pneumate, dum baptizaris,
Azmina limaris,
Cor sincerum paris.

3a. Te plenam fide
Fabricius urget dire,
Gazas spondet immensas,
Ut thori socia
Adores idola.

3b. Tu, lignum vitae,
Parvipendis gazas rite
Velut fimum praefecti,
Spernis conubia
Christo subarrhata.

4a. Te agnum regem
Praeses trux confitentem
Tradit dolio,
Ferventi oleo

Exsultas tamquam balsamo
Sis peruncta.

4b. Tu nec furentem
Paves nec blandientem
Curas, miraclum
Astantum lustravit
Mentes, errore penitus
Expiavit.

5a. Hinc gentium
Multi gentilium
Convertuntur
Ad Dei filium,
Ex praestigio
Praeses hoc putans
Ergastulo recludi
Te iubet, custodiri
Abs alimentis,
Novenarius
Diebus educaris
Ab angelis.

5b. Hinc manna verum
Libas in tenebris
Ac caelitus
Pie consolaris ;
Communionis
Esum da nobis,
Dum mortis instat hora,
Confessique contriti,
Christo nutriti,
Transferamur ad
Alta trabeatorum
Consortia.

6a. Fac fontem Christum
Te conservantem
E carcere ductam
Nos salvare.
Venustam te spectans
Pro tribunalique
Iubet impius
In eculeo
Te praeses exustari.

6b. Fac igni sancto
Idolo fuso,
Audito clamore:
Cur nos vastas
Insolito more?
Paganorum multis
Ad Christum versis
Per poenas facis
Hos caelo propinquari.

7a. Audi nos,

Uncis, scopis que
Virgis, flagris torqueris.

7b. Salva nos,
virgo, mamillis
Faculis adoleris.

8a. Dafontem,Christogermanas
Adiungens fuste caederis,
Munde respicere.

8b. Quo hausto plecti capite
Iuberis, rosas malaque
Mandas dirigere.

9. Christianismi
Fidem corroboras
Exorando
Pro invocantibus ;
Ex huius incolatu
Saeculi fac nos
Ad te transire.