221. De sancta Elisabeth.

1 a. Decorata novo flore

Christum mente, votis, ore
Collaudet ecclesia;

1 b. Nova nobis lux illuxit,

Nova stella, quam produxit,
Nobilis Hungaria.

2 a. Elisabeth, stirps regalis,
Victis huius mundi malis
Migravit ad gaudia;

2 b. Illa quondam habens ratum
Velle patris et mandatum
Contraxit sponsalia.

3 a. Viro semper sic servivit,
Quod plus Christum concupivit
Quam carnis commercia;

3 b. Hoc. defuncto tandem dote
Spoliata liti motae
Cessit, vendens omnia.

4 a. Aegros inde procuravit,
Nudis vestes erogavit
Quasi Dorcas altera;

4 b. Nocte stratum flens rigavit,
Eius carnem maceravit
Vestis pilis aspera.

5 a. Vitae cursum sic peregit,
Quod cum Christo modo degit
In aeterna gloria,

5 b. Pro qua Christus condescendit
Nobis, quibus nunc impendit
Multa beneficia.

6. Deo sit igitur,
Quo duce regitur
Praesens ecclesia,
Laus, honor, virtus et gloria,