224. De sancto Erasmo.

1 a. Sancto Erasmo

Psallat laetus iste coetus
Alleluia,

1b. Quem perfudit

Primo flore, laeto more,
Lux divina.

2 a. Praesul signis claruit,
Quia pure coluit
Creatorem.

2 b. Karolus quod fregerat,
Prece munda reparat
Ad vigorem.

8 a. Ad desertum evolat,
Nudus crucem baiulat
Salvatoris;

3 b. Ibi carnem macerat,
Ibi pugna superat
Vim ardoris.

4 a. Cum sic Christo militat,
Capadociam intrat
Ad aetema.

4b. Quinus ipse voluit,
Apta bona petiit
Ter quaterna.

5 a. Eia, pater pauperum,
Noxas dele scelerum,
Ignem quod tartareum
Evadamus.

5 b. Tuis fer auxilium,
Ut nos post exsilium
Tecum Dei filium
Videamus.

6 a. Ora pro tuorum
Statu filiorum
In conspectu
summi regis,

6 b. Ut nos a peccatis
Mundans perpetratis
Donet esse
dextrae gregis.