228. De ss. Fabiano et Sebastiano.

1 a. Praesul sancte Fabiane,
Qui curasti nec inane,
Fidem ut extolleres.

1b. Tu legasti, congestasti

Scribas septem, nec ineptam
Necem ut colligeres

2 a. Athletarum, quos haud parum
Sparsos more, en, cruore
Microcosmos recolat.

2 b. Interpella sic, procella
Saevi maris, tuearis,
Ne nos forte impetat.

3 a. Tua pura prece cura,
Quod septena dona plena
Potant, fluant largius;
Dies enim festivus agitur,
In quo plene votum admittitur
In tui memoriam.

3 b. In agone, passione
Roborati sumus rati,

Iucundemur laetius ;
Dum e corde spiritus mittitur,
Absque sorde iter nanciscitur

Ad aeternam gloriam.

4 a. Ad quam tende, o. perpende

Tota mente ac repente

Anhela quantocius ;

4 b. Nam in ea simul laeta
Vita datur absque meta
Cunctis evidentius.

5 a. O instructe tiro Christi,
Potens, vincens, necnon scisti
In calle certantium

5 b. Ire vere te sincere
Consulari, militari
Chlamide bellantium.

6 a. Sub figura decusasti
Fidem tuam, sic celasti
Sane, Sebastiane;

6 b. Vernas Christi tu solaris,
Verbis caris sic adfaris:
Dimicent constantius.

7 a. Fratres binos roborasti,
Quos in fide solidasti,
Spernant ut ardentius

7 b. Blandimenta mundi, rerum
Conditorem, caeli eram
Clarius conspiciant.

8 a. Fac, mortales ut stent rati,
Fide firmi roborati,
Bravium percipiant.

8 b. Tu loquelam reddidisti,
Zoe virum decrevisti
Taliter convertere,

9 a. Tunc praefectum Romae
primum,
Gnatum suum post supinum
Toto nisu absque risu
Ad fidem perducere.

9 b. O dilecte martyr Christi,
Corpus tuum subiecisti,
Perquam mire tu vicisti
Poenarum certamina.

10 a. Tu nos cura tua prece,
Mundi simus ut a faece,
Tuos, neos, serva, ne nos
Tangant, frangantfulmina.

10 b. Rursum praesta, nobis asta,
Ne nos restis, mala pestis
Cingat, tingat et astringat
Acrius in inguine.

11a. Sicque lota mente tota

Iesum Christum te et istum
Veneremur, cum tenemur
Haud ingrati, ne privati
Simus eius sanguine.

11b. Fac, ut vales, nos mortales
Erigamur, rapiamur,
Trinum unum, summum

bonum
Intuamur, contemplamur
In perenni lumine.