229. De sancta Felicitate.

i. Hunc laeti diem cuncti
rite venerantur populi,

2 a. Quem fore felicem
sancta fecit Felicitas,

2 b. Pignorum septeno
martyrizata numero.

3 a. Nam septem praemissis
octava
fit cruciata filiis,

3 b. Maternos perpessa
dolores
singulorum martyrio.

4 a. Primus Ianuarius
plumbatis
plagatus oppetiit ;

4 b. Felix atrocissimis
cum Philippo
mactatur fustibus.

5 a. Silanus

per praecipitium

occubuit ;

Alexander

cum Vitale simul addito

Martiale decollati sunt.

5 b. Constanter

illorum genetrix

sanctissima,

Tot dolores

passa animo, novissime

corporaliter occiditur.

6 a. Ex his Alexandrum,
florem nitidum
geminamque pretiosissimam,

6 b. Dulcem margaritam,
dignis laudibus
tota Germania celebrat.

7 a. Divina quem benignitas
de Romana

sede nostrae salvationi
transmiserat
his Alemannicis partibus.

7 b, Hic multis miraculorum
fulgens signis
salutifera solet clarus
solamina
suis ostendere civibus.

8 a. O decus, o
nostra salus,
o martyrum
tu venustissime
florens floscule,

8 b. Cum fratribus
et cum matre
Felicitate
perennem implora
beatitudinem.

9. Qui tibi

servimus in terris,
tuis precibus in caelis
sis fautor nobis.