234. De sancto Prontone.

1a. Petrus petra derivatur,

Petra Christus, qua fundatur
Stabilis ecclesia.

1 b. Petrae nomen ampliatur,
Cum per Petrum dilatatur
Trinitatis gloria.

2 a. Petra primum piscatorem
Romam mittit, ut errorem
Pellat et inania.

2 b. Petrum primum correctorem
Roma tenet et pastorem,
Servet ut ovilia.

3 a. Petrus ad Petragorarum
Terram, gurgitem petrarum
Ex earum copia,

3 b. Fratrem mittit sibi carum,
Molliatur ut illarum
Gentium duritia.

4 a. Hic est Fronto mordens mor-
tem ;
Fortior qui fugat fortem,
Mortis aufert spolia.

4 b. Nam Georgium consortem
Supra consuetam sortem
Trahit ad sublimia.

5 a. Cbananaeae comparata
Per Frontonem fit sanata
Senatoris filia.

5 b. Visione duplicata
Timet cutis vulnerata,
Congregat concilia.

6 a. Onerantur mox cameli
Properantes et anheli
Deferunt cibaria ;

6b. Christi famulo fideli
Solo ducti duce caeli
Redit pars dimidia.

7 a. Videns Squirius turbatur,
Fidem petit, fides datur,
Sordet idolatria,

7 b. Nomen mutat et mutatur
In baptismo, renovatur
Tota simul patria.

8 a. Mira res, dum celebratur
Missa, praesul soporatur
Hora lucis tertia ;

8 b. Tarrasconum properatur,
Christus illum comitatur,
Celebrant funebria.

9 a. Apud istos absens mansit,
Apud illos manens transit,
Manet in absentia.

9 b. Extra corpus praesul an sit,
Chirotheca cum remansit,
Dei scit scientia.

10 a. Tu nobiscum, pastor, mane,
Tuas oves sero mane
Protegat praesentia;

10 b. Esto tuae dux urbanae
Plebis, per te christianae,
Praesul ac custodia.