237. De sancto Genesio.

1. Laeta

2 a. Mente annua

celebremus sollemnia

martyris

huius atque

sacrata

iubilemus praeconia,

2 b. Quem Domino

caeli patet egregius

merito

virtutibus

et omni

placere civi caelesti.

3 a. Cuius haec ecclesia
rutilat
miraculorum
exhibitionibus
iugiter
per saecla laudabiliter.

3 b. Caeci hic visum capiunt,
languidi
sani recedunt,
surdis auditus datur,
omnisque
tribulatio sedatur.

4 a. Hunc defensorem
nobis de Iero-
solymorum
partibus
misit Dei filius

4 b. Et hanc patriam
tali voluit
sub patrono
tueri
et ab hoste muniri.

5 a. Quam pretiosus
est iste martyr
sanctus Genesius,
cuius festa
celebramus hodie !

5 b. Per quem Deus nobis
nova semper
atque gloriosa
praestat suis
prodigia servulis.

6 a. Nos eius meritis
Dominus
liberet
omnibus a malis.

6 b. Ipsius et precibus
veniam
consequi
credimus posse culparum.

7 a. Iam famulos tui
hospitii,

hospes transmarine,
solita
pietate conserva

7 b. Et beneficia
fidelibus

populis da clemens
hac die,
sancte martyr Genesi.

8. Ut una gaudentes

sint semper festa colentes.