240. De sancto Georgio.

1. Vitae

2 a. princeps principe

mortis vincto sub inferis

hos dies

cum resumpta

apparens

carne victor dedicavit.

2 b. Hinc gratias

exhibentes unanimes

maxillis

Leviathan

erepti

cum voce corda levemus.

3 a. Ne nos hostis antiquus
captivos
ultra deprimat,
hic miles, cuius colimus
agonem,
legatus regi mittatur.

3 b. Ipse viva hodie
hostia
sancta et placens

supplicum

non spernit vota suorum.

4 a. Sancte Georgi, te
poscimus, quaerimus
ac pulsamus,
nostris precibus
advigilare digneris.

4 b. Eius amore nos
refove, cuius
dilectionis
igne fervidus
flammam poenarum viceras.

5 a. Qui abnegando
te ipsum mundo,
crucem baiulando,
nos orando
crucifige saeculo.

5 b. Ungulas, flagra,
carcerem, fervens
plumbum atque rotam
tu subisti
cum lorica fidei.

6 a. Tu pro malis
bona restituis
dans mago
caelum pro veneno.

6 b. Legitime

nudus cum nudo cer-
taveras
ac Deo palmam reportas.

7 a. Nunc adiutorium
ecclesiae

contra hostis fraudes
suggere
culpas eius diluens.

7 b. Et in novissimo
iudicio,

cum per ignem cuncta
probantur,
esto noster defensor.

8. Te suum

sentiant cuncti fideles
patronum.