248. De sancto Germano.

1. Convenite, melico
iubilate una

2 a. Gloriosi, vos, sceptra
Christi imperatoris
aurea ;

2 b. O vos, inquam, aethera

Polorumque adeste

culmina,

3 a. Semitonia

Cum tonis et galasia

3 b. Ad conspicua

Celsi Germani gaudia.

4 a. Cuius et novus helios
Vos quam celebre flamen
irradiat.

4 b. Vobis, caelites, iucunda,
Mortalibus translatio
indigna

5 a. Dignis manibus est acta
Et nunc frequentare
natalitia.

5 b. O vos hyalina freta,
Tellus et cuncta magis
Germania,

6 a. Iure usus clara
Assis, Aquitania
Et Cleromonia,

6b. Huic deferre grata,
Dulcissima, ut puta,
Heroi cantica,

7 a. Sis, Burgundia,
Nam penes sua
Te nativitas
Floruit, et virtus
perambulat ;

7 b. Salutifera

Quippe et sacra
Nobis dogmata
Propinavit atque
miracula.

8 a. Ergo in sancti praeconia
Assidue, caeli harmonia

8 b. Terraeque sphaera, sinceras
Summo regi fer grates, Gallia,

9 a. Quod tantus

tibi apostol(ic)us emicat,

9 b. Inclitus

[quoque] veluti alter Titan.

10 a. Hinc te flagitamus,

O praesulum gemma,

10 b. Concedas votis, qui
tua colunt festa,

11. Gloria frui sempiterna.