254. De Innocentibus.

1a. Urbis novae Hierusalem
Laudem dicat specialem
Chorus in ecclesia;

1 b. Huius urbis est fundator,
Innocentum coronator,
Qui regit caelestia.

2 a. Hoc caeleste fundamentum
Semper tendit ad augmentum
Fundatoris gratia.

2 b. Quam praeclari sunt lapilli,
Quibus constat domus illi,
Qui continet omnia !

3 a. Nova castra
Super astra

Rachelis in gremio

3 b. Voce clara
De sub ara

Canunt Dei filio.

4 a. Qui dignatus incarnari
Innocentes coronari
Voluit martyrio ;

4 b. Quos Herodes trucidavit,
Christus natus sulimavit
In caelesti solio.

5 a. Christus iacens vili thoro

Innocentes caeli choro

Sociat in gloria;

5 b. Ex praesaepe rex caelorum
Turbas transfert puerorum
Ad caeli palatia.

6 a. Orto mundi novo duce
Subtrahuntur ab hac luce
Herodis insania;

6 b. Sanguinis effusione

Christum laudant, non ser-
mone,
Martyrum tot milia.

7 a. Aute neci sunt addicti,
Quam ullius sint delicti
Polluti contagio;

7 b. Morte vitam sunt adepti
Ac de mundi sunt erepti
Liberi naufragio.

8 a. Quam felices
Genetrices

Puerorum talium,

8 b. Qui per mortem
Sumunt sortem

Supernorum civium!

9 a. Horum, Christe, chorus iste
Iungatur consortio,

9 b. "Sanctus, Sanctus" qui de-
promunt
Nato Dei filio.

10 a. Qui post caedem
Super sedem

Collocantur gloriae,

10 b. Assistentes,
Congaudentes

Faciant in requie.