257. In Decollatione s. Iohannis B.

1 a. In laude summi verbi
Dei praeconis
multis
ad praesens notantis

1 b. Harmoniae sacra plebis
festa colentis
dignis
sonent tripudiis.

2 a. Hic impiae vesaniae
Herodis
regis affectat
dirimi crimina,

2 b. Quae perpetrat continuo
incestus
sui germani
coniuge Philippi.

3 a. Id furens haec bellua
cognoscens eum
odio habuit

3 b. Incitat ac Lydiam,
regna promissa
penitus renuat.

4 a. Solum sacri capitis
particeps mereretur,
fervens suadet meretrix.

4 b. Haec libens satisfaciens
matri furenti cupit
lance sibi donari.

5 a. Quem rex impius
plecti iussit protinus ;

5 b. Caput ipsius

lictor adfert ocius.

6 a. Hunc quaesumus,
ut cunctis populis
in fonte sacro tinctis
fautor exstet celebris,

6 b. Ne scelere
in tanto dediti
fiant, sed sacris donis
charismatum praediti,

7. Ut in perennibus
mereantur consortes
fieri ipsius.