259. De ss. Iohanne et Paulo.

1. Laudes

2 a. Omnis sexus et aetas
totis viribus canat
Deo maximo Sabaoth,

2 b. In cuius catholica
fide firmiter fixi
triumphaverunt hodie

3 a. Agonistae fortissimi,
sanctus Iohannes
et Paulus, milites
incliti.

3 b. Cum maxima constantia
Deo haerentes
poenas maluerant
corporis

4 a. Noxias

quam delicias
nequam Iuliani,
regis apostatae.

4 b. Tunc idem rex,
peior pessimo,
misit testes Christi
tormentis affici.

5 a. At illi spe gaudentes
ultro se
impenderunt
tyrannorum manibus,

5 b. Cum diis noluissent
pluribus
immolare
neque tus incendere.

6 a. Unicam Dominum
fatentes colere

6 b. Nullique alio
incensa ponere.

7 a. Semet ipsos

viventem hostiam
nobili cum triumpho
obtulerunt Domino.

7 b. Nunc in caelis
assistunt fulgentes
quasi sol intermixti
angelorum coetibus.

8. Vos, sancti martyres,
pro fidelibus cunctis
Deum precamini.