261. De sancto Ioseph.

1 a. Gaude, Ioseph, fili David,
Per florentem virgulam
Tibi Deus desponsavit
Mariam virgunculam,
In qua sibi praeparavit
Carnis nostrae copulam.

1 b. Gaude, tibi desponsatam
Per angelum monitus

Non relinquens, gravidatam
Videns hanc divinitus,

Credis Deo consecratam
Dono sancti spiritus.

2 a. Gaude, quod de Gallilaea
Bethlehem progrederis,

Processuras sic de ea
Praegnante curam geris,

Donec matre virginea
Christum natum reperis.

2 b. Gaude, natum adorasti
Angelis canentibus,

Fusa luce observasti
Facta a pastoribus

A tribusque conspectasti
Tria dona regibus.

3 a. Gaude, templo praesentasti
Circumciscum puerum,
Cum matre considerasti

Mirans cruorem tenerum,
Simeonisque notasti
Gladium tam asperum.

3 b. Gaude, fugam te inire
Ad Aegyptum celere

Iubet angelus, ut irae
Cedas regis propere

Herodis, post hoc redire
In Nazareth prospere.

4 a. Gaude, quia quem quaesisti
Duodennem filium,

Hunc in templo invenisti
Tui cordis gaudium,

De quo prius doluisti
Sic amisso nimium.

4 b. Eia, quanto te dotavit
Deus privilegio I

Te custodem deputavit
Mariae cum filio

Teque summe exaltavit
In caelorum solio.

5 a. Nobis ergo, pater bone,
Quaesumus suppliciter,

Semper nunc et in agone
Succurre fideliter,

Ut tecum caeli coronae
Iungamur feliciter.

5 b. Iesu, nato salvatori
Ex Maria virgine,

Laus et eius genitori
Sit cum sacro flamine,

Qui nos dulci nutritori
Iungat in cacumine.