266. De sancto Laurentio.

1 a. Gaudet orbis, plebs fidelis
Laudet Dominum de caelis
In sancto Laurentio ;

1 b. Quem Iesus manifestavit
Et in Roma sublimavit
Archidiaconio.

2 a. Hic thesauros dispensavit
Per egenos, quos locavit
In caeli aerario.

2 b. Caecos hic illuminavit,
Nomen Christi praedicavit
Sub tyranno Decio.

3 a. Scorpionibus, flagellis
Fractus carne luet pellis,
Passus famem, vincula.

3 b. Exquisitum genus mortis
Suffert laetus pugil fortis
Igne sub craticula.

4 a. "Gyra partem, quam cremasti,
Et manduca, quam assasti"
Dixit sanctus Decio:

4 b. " Portas caeli [iam] intravi,
Iam complector, quem amavi,
Iesum, quem conspicio."

5 a. Sic exsultans et insultans,
Minas frangens, poenas inui-
tans,
Intrat caeli gaudia.

5 b. Omnes ergo deprecemur,
Ut cum Christo iucundemur
In caelesti gloria.

2 a. Hic urbem visitat,
Sub Sixto militat
Archidiaconus,

2b........

3 a. Thesauros erogat,
Sixtum interrogat:
Heu, quo progrederis?

3 b. Respondet: praevium
Post diem tertium
Me, fili, sequeris.

4 a. Ardens craticula
Hunc sine macula
Non potest vincere.

4 b. Caesar confunditur,
Cum sibi dicitur
Assatum edere.

5 a. Custos Hippolytus

Christi neophytus

Statim efficitur.

5 b. Cirica vidua
Peste continua
Per hunc eripitur.

6 a. Romanus hominem
Tergentem sanguinem
Videt cum linteo:

6 b. Tunc clamat, cursitat,
Baptismum clamitat,
Aquam fert urceo.

7 a. Visum Crescentius
Recepit sobrius
Vico Canario;

7 b. Aurum distribuit
Pedesque abluit

Fratrum cum gaudio.

8 a. Catastam ligneam
Cratemque ferream
Vincit Laurentius:

8 b. Plumbatas laminas,
Ungues spernit, minas,
Quas fecit Decius.

9 a. Assatur, teritur,
In prunis uritur
Pro Christi nomine ;

9 b. Tormenta tolerat,
Duci improperat,
Repletur flamine.

10 a. Haec fortis pertulit,
Se ipsum obtulit
In sacrificio.

10 b. Iustinus rapuit
Corpus et posuit
In coemeterio.

11a. Martyr egregie,
Sidus Hispaniae,
Pro nobis supplica,

11b. Ut magna curia
Sit nobis socia
Turba angelica.