269. De sancto Leonhardo.

1 a. Eia, fratres, gaudeamus,
Dum hunc diem honoramus
Debitis obsequiis,

1b. Leoimardus quo beatus
Est susceptus laureatus
In caeli palatiis.

2 a. Iste sanctus gloriosus
Fuit natus generosus
Es regum prosapia;

2 b. Eius clari genitores
Erant et inter priores,
Quos habebat Francia.

8 a. Rex illustris Clodovaeus,
Quem praefecit Gallis Deus,
In baptismo tenuit,

3 b. Illum sanctum Remigius,
Archipraesul egregius,
Nutrivit ac docuit.

4 a. Hic in pueritia
Literarum studia
Frequentabat iugiter,

4 b. Relecta cotidie

Commendans memoriae
Retinebat firmiter.

5 a. Recusatis omnibus
Pompis et honoribus
Quasi magno onere,

5 b. Expeditus nexibus
Mundi quasi retibus
Cupit pauper vivere.

6 a. Verbum Dei praedicando,

Corda fera mitigando

Exhortationibus

6 b. Sanitatem aegris dabat
Et oppressos liberabat
Ab infirmitatibus

7 a. Munus istud et regibus
Impetrabat hic precibus
Datum sibi largiter ;

7 b. Carceratos visitabat,
Visitatos liberabat
Hoc exercens iugiter.

8 a. Dum regina aegrotaret
Et in partu laboraret
Facta morti proxima,

8 b. Flebat rex et domestici
Eius et cuncti aulici
Prae magna tristitia;

9 a. Leonhardus transiens
Et clamores audiens,
Sciscitari gestiens

Causam tanti gemitus,

9 b. Iter coeptum deserit
Mali causam et quaerit,
Quod regina sic perit,
Audit mali territus.

10 a. Videns reginam cubantem
Miseratus aegrotantem
Preces fundit Domino ;

10 b. Statim praegnans liberatur,
Omnis dolor effugatur
Cunctorum ex animo.

11a. Rex praesentat pretiosa
Dona satis et formosa,
Sed sunt illi iam perosa
Munera regalia;

11b. Partem silvae poscit tantum,
Circuivit ipse quantum
Nocte, sicrex placatsanctum
Xenia per talia.

12 a. Templo silva decoratur,
Et altare consecratur
Et a multis honoratur
Ob eius magnalia.

12b. Leonharde, serve Dei,
Nos indigni, nimis rei,
Mereamar per te vehi
In caeli palatia.