271. De sancto Lubentio.

1a. Ad honorem tuum, Christe,
Repraesentet ecclesia,

1b. Quae et quanta martyr iste
Passus fuit crudelia

2 a. Sub regina Brunelchide,

Quae habebat daemonia;

2 b. Prospice, audi et vide,
Quae sit eius malitia.

3 a. Gaudet damnis alienis
Illius avaritia,

3 b. Divitibus et egenis

Tristis est atque anxia.

4 a. In Francorum proceribus
Infert inimicitias, *

Nobiliores sedibus *

Deponebat et gratia,
Infimis nobilibus
Dans eorum praedia. *

Hanc beatus Lupentius *
Reprehendens de scelere;

4 b. Iussit servis quantocius
* Sanctum poni in carcere.

*

Memor Dei, non oblitus,

Orationi deditus,

• Dum fuisset in carcere

Positus, Deum colere

• Non cessavit humiliter

Sed orabat fideliter.

5 a. Deus sancto Lupentio
Dixit: esto de praemio
Firmus, notro collegio
Addendus es martyrio.

5 b. Valde laetus efficitur
Et a quibus custoditur,
Dixit dissolutionem
Sui, Dei visionem.

6 a. Vadam, inquit, ad Dominum
Non habens longum terminum.

6 b. Statim custodes carceris
Dicunt reginae et ceteris.

7 a. Hic sanctus, cuius hodie
Celebrantur sollemnia,

7 b. Iam revelata facie

Regem cernit in gloria.

8 a. Illic regina virginum

Transcendens culmen ordinum

8 b. Excuset apud Dominum
Nostrorum lapsus criminum.

9 a. Nos ad sanctorum gloriam
Per ipsius suffragia

9 b. Post praesentem miseriam
Christi perducat gratia.