274.

De sancto Marco.

1. Gaudeant cunctae
partes Europae,

2 a. Magis haec nostra,
quam colimus,
Germania;

2 b. Laetetur istis
sed maxime
Augia sollemniis,

3 a. Quae sanctum suo
evangelistam

3 b. Meruit sinu
Marcum fovere.

4 a. Quem propheta vidit
futurorum praescius

4 b. Quattuor vultuum
animalium unum.

5 a. Iohannes
quem virgo
mysteriarches

5 b. Caelestium
scripserat
esse leonem.

6 a. Celsa quaternorum
columna mundi
hic ceu procerum,

6 b. Miracula Christi
scriptitando qui
sparsere orbi.

7 a. Salve, o principis
apostolorum tu
amor, Marce,
Alexandriae gloria,

7 b. Anni quem tempora
polique climata
monstrant quadra
a primordiis saeculi.

8 a. Nunc fortis tropaeum
celebremus athletae,

8 b. Quem praesens lux solis
nostris advexit votis.

9 a. Vita, mores nostri
eius donentur preci,

9 b. Sentiamus suum
ut semper suffragium

10. Cuncti sanctorum coetui.