285. De sancto Mauritio.

1 a. Victimas reddamus laudes
inclito martyrum regi,

1b. Qui Thebaeae legionis
illustres elegit tirones.

2 a. Magnus redemptor orbis
victum adligavit
praedamque electam
acquisivit.

2 b. Verus Israel Christi
gratia ex Aegypto
ductus idolatriae
sprevit ritus.

3 a. Mauritius, princeps
militiae clarissiraae,
Armatus fide, non ferro,
praecedit sanctos vim
patiendo.

3 b. Colla tradunt omnes
sub gladio aequanimes;
Mactatur Christo grex sanctus,
sacratur Gallia sanctis
cruoribus.

4 a. Caeli laetantur cives in
Thebaeorum triumphis,
congaudent angeli
animabus susceptis.

4 b. Tenunc, Christe, collaudamus,
qui es martyrum virtus,
tu solus potens rex
dominaris, regnas.