296. De sancto Nicetio.

1. Trinitati decantate

Novas laudes, clerici,
Gaudentes festivitate
Beati Nicetii.

2 a. Quem pater fecit calcare
Daemonis nequitiam,

Quam filius debellare
Docuit versutiam,

Quem spiritus sanctus stare
Fecit per clementiam.

2 b. In sanctis laudatur suis
Adoranda trinitas,

In festis dicitur tuis
Eius mirabilitas;

En, pater, tu nunquam ruis,
O summa felicitas !

3 a. Sancta vita ambulasti
In valle miseriae,

Miraculis coruscasti
In Treveris limine,

Ventura praenosticasti
Tuo stante comite.

3 b. Tuae praebent sanctitati
Verum testimonium

Quam plurimi scelerati
Dictantes opprobrium,

Quorum te severitati
Dedisti mitissimum.

4 a. Verbum Dei seminasti
Labris tuis propriis

Et nec regis formidasti
Probris quassus plurimis,

Tuas sed oves curasti
Nil committens exteris.

4 b. O oves multum felices,

Quibus pastor proprius !

Nam dum habent cicatrices,
Adest diligentius,

Quod non, quia gerit vices,
Facit mercenarius.

5 a. Sape regem Theuderieum
Culpasti ob vitium,
Et propter hoc te amicum

Suscepit dignissimum,
Sed sic tibi inimicum
Fecisti Lotharium.

5 b. Multum pater te dilexit
Theudericus inclitus,

Sed secundum te direxit
Legi Dei subditus,

Te ad praesulatum vexit
In amore fervidus.

6 a. Quando praedicant praelati
Tollentes stipendia,
Praedicant communitati

Viles in plebicula,
Hinc, quae dicunt, vanitati
Ascribuntur omnia.

6 b. Quando modo amant clerum
Reges, duces, principes,

Non mentior, dico verum,
Multum sunt ignobiles,

Ad suum tollunt galerum,
Quidquid habent pauperes.

7 a. Te, o beate Niceti,

Vitae normam colimus,

Qui te prostravisti neci
Verax in sermonibus,

Nostrae precamur, sis faeci
Intercessor sedulus.

7 b. Dum Trevericos vastaret

Lues inguinaria,
Et dum quaedam vox sonaret

Nocte ut tonitrua,
Orasti, ne molestaret

Daemonis nequitia.

8 a. De tuis gaude patronis,
O tu felix Treveris,

Ad hos tuam si spem ponis
Cunctis in angustiis,

Huins ope contionis
Evades periculis.

8 b. Unam portam civitatis
Observat Nicetius,
Ad aliam, ne cadatis,
Excubat Eucharius,
Maximinus, gaudeatis,
Vos custodit tertius.

9. Tua caterva
Petit: hanc serva,
Morbos enerva,
Sancte Niceti.