304. De sancto Notkero.

1. Resonent angelicae

laudes confessori Notkero,

2 a. Suboli beato,

regio orto schemate,

2 b. Meritis insignem

quem unxit donum spiritus.

3 a. Qui scripturae dicta
excoluit
et, quidquid sponsa canit.

3 b. Gloriosa vita
hic functus
gaudenter morti occurrit.

4 a. Qui in magni luminis
splendorem
semper figens animum

4 b. Per totum tempus vitae
crucem Christi
gestabat suo pectore.

5 a. Obtinuit

patrum laude coli priscorum,

martyribus

compar, corporis ac spiritus

pollens laetissimis fructibus.

5 b. Castissima

mente cursum vivens temporis
excepit mi-
randa spiritus donaria
multorum salutis gratia.

6 a. Hinc quanta cum sanctis
vivat gloria,
probant, quae fecit, prodigia.

6 b. Ad cuius sepulcrum
nulli gratia
negatur, cum pie optatur.

7 a. In membris morbi contracti
hic curantur,
vinculis

stricti liberantur,
privatique
visu obtutibus laetantur.

7 b. Hic mentes oppressae malis
recreantur,
corporis

languor hic sedatur,
et daemonis
atrocis rabies premitur.

8 a. Magnificis
exaltate
fastigiis,

Notkere, monachorum
[tu praeclarum] decus,

8 b. Tuum, pater,
imploramus
auxilium,

in crimen, heu, prolapsis
impetra veniam,

9. Ut caelica
gaudia, regis
empta sanguine, frui
mereamur tecum.