309. De sancto Paulo.

1 a. Alma mater ecclesia,
Age Pauli sollemnia
Cum cordis laetitia;

1b. Nam prae cunctis apostolis
Te dotat in epistolis
Divina scientia.

2 a. Caecus cadit,
Quando vadit

Contra Christum saeviens,

2 b. Hic audito
Iesu cito

Redditur oboediens.

3 a. Rapitur ad tertium
Caelum nunc sublimium
Secretorum conscius;

3 b. Post hoc visum recipit,
Christi nomen incipit
Praedicari [protinus]

4 a. Ultimus vocatione,
Primus praedicatione
In diversis populis,

4 b. Plus laborat excellenter,
Stat in mortibus frequenter.
Plagis et periculis.

5 a. Cum infirmis

infirmus efficitur,

5 b. Pro scandalo

cuiuslibet uritur.

6 a. O quam mirabilis
Et ineffabilis

Est tanta caritas!

6 b. Patroclum suscitat
Dam aegros visitat,
Fit eis sanitas.

7 a. Quia fidem non desinit,
Sub Nerone vitam finit
Amputato capite,

7 b. Effluxit lac cum cruore,
Iesum profert caput oro
Certe satis debite.

8 a. Lac castitatis lilium

Signat, sanguis martyrium,
Iesum linguae praeconium.

8 b. Cum aureola triplici
Pro his se gaudet subici
Trino Deo et simplici.

9 a. Hunc tamquam nostrum patro-
num
Precemur pium et bonum,

9 b. Ut eius dulce iuvamen
Semper sentiamus. Amen.