310. De s. Paulo Eremita.

1 a. Paulum, primum eremitam,

A quo prodiisse vitam

Scimus solitariam,

1 b. Voto pari collaudemus
Et constantiam probemus
Eius multifariam.

2 a. Hic, ut consors electorum
Posset fieri virorum,
Saeculum deseruit,

2 b. Et, ut crebrius oraret
Ac ieiuniis vacaret,
Eremum adpetiit.

3 a. Hunc a Cristo commendatum
Et divinitas monstratum
Visitat Antonius,

3 b. Qui dum laeti consederunt,
Corvo nuntio sumpserant
Cibum copiosius.

4 a. Panem totum adferebat,
Soli Paulo qui solebat
Fieri dimidius.

4 b. Huic defuncto paraverunt
Leones, qui adfuerant,
Tumulum devotius.

5 a. Huius intercessione
A peccatis, Iesu bone,
Tuum purga populum

5b. Et post temporalem mortem
Nos habere caeli sortem
Concede per saeculum.