315. In Octava ss. Petri et Pauli.

1a. Cuncta caeli regem laudant
angelorum agmina

1b. Indefessa Christo voce
dando modulamina.

2 a. His coniuncta turba multa
reddat vota debita,

2 b. Cum sanctorum nobis festa
refert solis orbita.

3 a. Super muros Hierusalem
vigilans custodia

3 b. Imminere iam diei
clamitat exordia.

4 a. Nox praecessit et lux venit,
inquiens, purpurea,

4 b. Ornat bene vigilanrum
colla torques aurea.

5 a. Dum salutis vacat tempus,
mens exsurgat torpida,

5 b. Ac decertet, ut fruatur
agni cena sapida.

6 a. Venatores nam per mundi
ampla missa spatia

6 b. O quid praedae compulerunt
ad expansa retia!

7 a. Quot ferarum remansere
vacua cubilia I

7 b. Tauri fortes sunt enecti,
caesa et altilia.

8 a. Duces gregum, qui mansura
monstravere pascua,

8 b. Iam translati nulla timent
ora morsu nocua.

9 a. Designatur per haec cuncta
cohors apostolica,

9 b. Quam recepit et in aula
servat Christus caelica.

10 a. Congregati popnlorum
principes in aethera

10 b. Et commissa nostra nova
diluant et vetera.

11a. Imbres fundunt sanctaenubes
corda super arida,

11b. Ut det fructum terra nostra
gramina per florida.

12 a. Quo vivamus dante Christo
vitae adminicula

12 b. Cum apostolorum choris
gaudentes per saecula.

13. Amen dicamus una.