322. De sancto Raimundo.

1 a. Chorus iste tibi, Christe,
Assit cum laetitia,

1b. Cordis, oris melos promat
Dulci cum melodia.

2 a. Gratulari et laetari

Nunc debet ecclesia,

2 b. Sic beati Raimundi
Celebret sollemnia.

3 a. Cuius vita redimita
Spiritali gratia

3 b. Praesulatum sibi datum
Rexit ac custodia.

4 a. Voce sincera,
Praedicatione

Vera, vetans illicita,

4 b. Promittens lucra
Fine carentia

Sanctis a Deo debita.

5 a. Non sua cura mundana
Fuit vilis gloria.
Sed pro vita refutavit
Mundi quaeque vilia.

5 b. Caprae pilis composita
Induit cilicia,
Domuit abstinentia
Fluxa carnis vitia.

6 a. Tandem vita hac mundana
Destitutus verna
Dei luce praeclara
Fulget in arce superna.

6 b. Coronatur in gloria
Duplici corona,
Quam meruit bac vita
Confessorum cinctus zona.

7 a. Angelorum dant agmina
Domino laudum cantica
Prece pia socia;

7 b. Hymnis caelestis curia
Suo concivi obvia
Cantica dat dulcia.

8 a. Ob huius viri merita
Multa fiunt miracula
Summi regis gratia.

8 b. Languida sanat corpora,
Carcerum frangit ostia,
Ferri rumpit vincula.

9 a. Surdis auris officia
Dat, mutis eloquia,

9 b. Illustrat caeca lumina,
Claudis dat vestigia.

10 a. Expellit daemonia

Ab obsessis prece sua;
Haec sunt eius merita,

10 b. Quibus, Christe, caelestia
Nos mereamur gaudia
Solis sanctis debita.

11a. Quocum summa laetitia
Cantemus cum gratia
Omnes una

11b. Alle

tibi mente pura
In excelsis gloria

luia, Amen.