326. De sancto Sebastiano.

1. Sancto spiritu
nos instructi
eiusdemque lege docti

2 a. Praeconia testis

pangamus nomine Christi,

2 b. Qui terrea sprevit

quondam, nunc gaudia cernit.

3 a. Prognati bus
carus consistens
principatum non dilexit ;

3 b. Ac sobrius
sub ornamento
latet diu militari.

4 a. Et multos a deviis
ad viam hic dudum
veritatis revocavit,

4 b. Larvalibus nebulis
plures sic de turba
relevavit inimici.

5 a. Sermonibus veridicis,
moribus sanctis
est praeditus
vir praeclarus.

5 b. Palatii commilites
hunc quasi patrem
carissimum
amplectuntur.

6 a. Sebastiane,

miles clarissime,

Qui constitutis
duobus geminis
Marcelliano et Marco
in vinculis solamina
praebuisti,

6 b. Zoe fideli
ora restituis,

Senos per annos
verbis quae caruit.
Tu cunctos haec tua mira
probantes tuis precibus
fac gaudentes.

7. Nobis per omnia
sis fautor,
fidelis orator
per saecli saecla.