327. De sancto Sebastiano.

1 a. Omnes una decantemus
Et martyris personemus
Laudem Sebastiani.

1b. Hic a Deo est electus.
Per quem morbus est eiectus
Languoris pestiferi.

2 a. Nam se Christo totum vovit,
Qui vult nos hunc venerari:

2 b. Christus eum nunc promovit
In patria caelesti.

3 a. Cunctis hic subvenit maestis,
Statim est sedata pestis
Sui causa meriti,

3 b. Ipsum si nunc deprecemur,
Nomen quoque veneremur
Martyris sanctissimi,

4 a. Morbus iste non nocebit,
Sed mortiferum delebit
Populum, qui tenuit

4b. Nos pro nostris tantis malis,
Iam absorbet pestis talis,
Quod tota gens gemuit.

5 a. Sancte martyr
Sebastiane,

5 b. Salva nos a morte
epidemiae.

6 a. Nostra gravia ob peccata
Terra ista desolata

Non sit, pie, quaesumus,

6 b. Sed nos considera
Et in nobis cessa

Pestem, iam te petimus.

7 a. Ista per te gens sit tuta,
Et ne noceat acuta
Febris haec in patria.

7 b. Ex quo nostra spes est tota
In te, martyr, nunc remota
Sit pestis mortifera.

8 a. O sancte Sebastiane,

Nostrae gentis sero, mane
Conservator et tutor sis

8 b. Et Dominum deprecare,
Ut a nobis revocare
Valeat vesana pestis.

9. Ex tua sancta prece
Ne sit morbus nobis nece,
Sed recedat ab hac domo ;
Amen dicat omnis homo.