328. De sancto Sebastiano.

1 a. Imperator maxime,
Christe benignissime,
Tibi laus et gloria,

1b. Carmen hoc laetitiae

Suscipe, quod hodie

Decantat ecclesia,

2 a. Sebastiani pia
Colendo sollemnia,
Egregii martyris.

2 b. Instructus Lombardia,
Sed Narbone patria
Civis fuit nobilis.

3 a. Omnibus amabilis,
Sermone affabilis,
Iustus in iudicio,

3 b. In commisso fidelis,
Moribus placabilis
Fuit et consilio.

4 a. Gestis imperatorum
Stetit more maiorum
Romae summa curia.

4b. Firmavit cor tortorum,
Spem promittens bonorum
Caelesti hierarchia,

5 a. Poenis ne deficerent,
Ne eos seducerent
Monita mulierum,

5 b. Sed terrena spernerent
Et Deum aspicerent
Largitorem munerum.

6 a. Cotidie sedulum
Exhibens officium
Verus cultor fidei,

6 b. Omne servans praeceptum
Lege gratiae scriptum
Fultus gratia Dei,

7 a. Os mutum aperuit,
Tormenta sustinuit
Armis lucis indutus ;

7 b. Sagittis fixus fuit

Et mortem non timuit,
Pro qua stat laureatus.

8 a. Pro nobis advocatus
Nunc pellat vir beatus
Pestem, famem, gladium ;

8 b. Nostros quoque reatus
Ignoscat nobis Deus
Detque nobis gaudium.