331. De sancto Sixto.

1. Ad beati Sixti digna
colenda praeeonia
concinat et iubilet
omnis ecclesia.

2 a. Hic Athenis genitus
trivio, quadrivio
dedit operam,
formula sinistra
haerens Pythagorica.

2 b. Post fidelis et prudens
oeconomus eligitur
ad erogandam
tritici mensuram
vita apostolica.

3 a. O sancte Sixte,
ex oleastro factus
oliva,

Melchisedech ordine
assignatis tibi
clavibus

potestate usus es,
scientia.

3 b. O felix Roma,
de tanto pontifice
inclita,

qui obvius pro grege
lupis frementibus
respuit

fanum Caesaris, Martis
simulacra.

4 a. Hic ut sol mole siderea
luxit lampas evangelica.

4 b. Exemplis, verbis, operibus
castra instruxit dominica.

4 c. Diem et poenam Laurentio
voce praedixit prophetica.

5 a. Ante tribunal Dominum
confessus est
voce publica,
sprevit minas Decii,
terrores, tormenta.

5 b. Tandem strepit concilium
m iugulum
sancti praesulis,
ob mortis sententiam
nectens argumenta.

5 c. Solvit triumphans sanguine
de foenore
sibi credito
in thesauros regios
bis quinque talenta.

6 a. Eius, Roma, cineribus
tripudias,
sed, Patavia,
sui ex praesentia
es capitis decora.

6b. Huius, pater dulcissime,
cotidie

tuis precibus
et clerum propitius
et populum honora,

6 c. Et tui cum consortibus
martyrii,
Felicissimo,
Magno et Agapito,
indesinenter ora.

7 a. Fac nos tuis me ritis
suffragantibus
ex Aegyto
transire pelagus
et Iericho
anathema
Ierusalem
una duc nos in saepta.

7 b. Hac recipiens suas
retributiones
et ad petram
parvulos allidens
sit beata,
Babylonis
meretricis
lascivia decepta.

7 c. Tecum sumus dii facti
ex hominibus ;
angelorum
iuncti agminibus
celebremus
verum pascha
stola carnis
et animae suscepta.