332. De.

sancto Stanislao.

1. Laudes Dei Cracovia
Nunc attollat mente pia,
Instantia vigili.

2 a. Laetabundus psallat mundus,
Psallat Deo cum tropaeo
Omne decus saeculi,

2 b. Solemnizet et hymnizet
Die ista per haec festa
Stanislao praesuli.

3 a. Sit laus iugis, sit benigna,
Sit salubris, sit condigna

Mentis iubiliatio;
Dies enim tropaei agitur,
In qua pastor membratim
eaeditur
Pro gregis custodia.

3 b. O quam rara, quam amara,
Quam effera, quam austera

Mortis haec illatio !
Tanto mors est gratior,
Quanto crux atrocior

Pro plebis iniuria.

4 a. Boleslaum qui propbanum
Arcet regem, ne in gregem
Domini desaeviat,

4b. Dum vesanus mittens manus
Oves Christi dente tristi
Velut lupus laniat.

5 a. Augens malum inhumanum
Lac mammarum feminarum
Dat sugendum catulis ;

5 b. Exsecratur et damnatur
Scelus regis iure legis
Per censuram praesulis.

6 a. Hinc athleta mente laeta
Subit letum, spernit metum
Sitiens martyrium ;

6 b. Gaudet laesus ense caesus,
Transit laetus, cedit fletus
Et dolor in gaudium.

7 a. Cuius ossa terrae fossa
Vigent signis ac condignis
Pullulant virtutibus,

7 b. Cuius vita redimita,

Christi sorte victa morte
Vivit in caelestibus.

8 a. Hunc qui totis poscunt votis
Dei donis freti bonis
Impetrata possident,

8 b. Caeci, claudi, surdi, muti,
Neci dati, desperati
Spem salutis obtinent.

9 a. Spe ipsius meritorum
Vita redit defunctorum,
Daemonio oppressorum
Fit crebra curatio.

9 b. Quo viso gens Polonorum
Instat, ut martyr ipsorum
In numero beatorum
Iungatur catalogo.

10 a, Ecce, pater Polonorum,
Factus tutor pupillorum,
Vere pater filiorum,
Colendus sedulius,

10 b. Admirandae est virtutis,
Opem fert gratae salutis,
In pressuris constitutis
Subvenit celerius.

11a. Bone pastor, tui gregis
Veniam impetra reis
Pacem obtinendo eis,
Ne hos stringat poena legis,
Absolve criminibus.

11b. Pater age Stanislae,

Ut rex pius ac benignus
Nos in fine sine fine
Regno donet ac coronet
Iungens caeli civibus.