333. De sancto Stephano.

1 a. Martyris insignis laudes
concinant christiani.

2 a. Protomartyr Stephanus
Ad caelos levans manus
Vidit patefactas
caeli fores.

2 b. Vidit Dei filium,

Redemptorem omnium,
Sponte qui redemit
peccatores.

3 a. Tunc flexis genibus
Pro se lapidantibus
Oravit Christi levita;
Quis martyrum tantus
in hac vita?

3 b. Hic est legis glosa,
Hic caeli vernans rosa,
Thesaurus sanctificatus,
Divinitus fine
revelatus.

4 a. Credendum est,
Quod hic praeest
Sanctis cunctis Dei,
Cura hic adest
caelo primus ei.

4 b. Scimus istum
Prope Christum
Esse ante Deum;
Ergo simus

collaudantes eum.